BAÁ basshysy Hasan Rýhanıdi Iran prezıdenti saılaýynda jeńiske jetýimen quttyqtady
ÁBÝ-DABI. 16 maýsym. QazAqparat - Birikken Arab Ámirliginiń Prezıdenti sheıh Halıfa ben Zaıed Ál Nahaıan Hasan Rýhanıǵa Iran Islam Respýblıkasy prezıdentiniń on birinshi saılaýynda onyń jeńiske jetýimen quttyqtaý joldady.
Sheıh Halıfanyń quttyqtaýynda bylaı delingen: «Biz Sizdi prezıdent saılaýyndaǵy jeńisińizben quttyqtaımyz jáne Sizge jáne ıran halqyna budan bylaı da ilgerileý jáne gúldený tileımiz. Sizben birge aımaqtyń jáne Birikken Arab Ámirlikteri men Iran halyqtarynyń ıgiligi jolyndaǵy birlesken jumysty asyǵa kútemiz. Biz Iran Islam Respýblıkasymen ózara yntymaqtastyqqa negizdelgen ıgi qatynastardy ustap turýǵa múddelimiz».
Sondaı-aq Irannyń jańa prezıdentine BAÁ vıtse-prezıdenti jáne premer-mınıstri, Dýbaı ámirliginiń bıleýshisi sheıh Muhammed bın Rashıd Ál Maktým, Ábý-Dabı ámirliginiń murager hanzadasy jáne BAÁ qarýly kúshteriniń joǵarǵy bas qolbasshysynyń orynbasary sheıh Mohammed bın Zaıed Ál Nahaııan quttyqtaýlaryn joldady.
