BAÁ azamattaryna birqatar Taıaý Shyǵys elderine barýǵa tyıym salyndy
ASTANA. KAZINFORM - Birikken Arab Ámirlikteri óz azamattaryna Iran, Lıvan jáne Irak aýmaǵyna barýǵa tyıym saldy, dep habarlaıdy Anadoly.
WAM resmı aqparat agenttiginiń málimetinshe, eldiń Syrtqy ister mınıstrligi bul sheshimniń óńirdegi qazirgi ahýalǵa baılanysty qabyldanǵanyn málimdedi.
Vedomstvo atalǵan úsh eldiń aýmaǵynda júrgen azamattardy shuǵyl túrde elden shyǵyp, otanyna oralýǵa shaqyrdy.
Syrtqy saıası mekeme azamattardyń qaýipsizdigi basty basymdyq ekenin atap ótip, shetelde júrgen azamattarǵa barlyq resmı nusqaýlar men eskertýlerdi qatań saqtaýdy eske saldy.
Sondaı-aq Iran, Lıvan jáne Irak aýmaǵynda júrgen otandastarǵa aldyn alý sharalary aıasynda BAÁ bılik organdarymen baılanysqa shyǵý usynyldy.
Buǵan deıin BAÁ Iran azamattarynyń kirýine jáne tranzıtine tyıym salǵan bolatyn.
