BAÁ Aýǵanstanǵa 96 tonna medıtsınalyq kómek jiberdi
ASTANA. KAZINFORM — Birikken Arab Ámirlikteriniń gýmanıtarlyq uıymy Aýǵanstanǵa arnaıy reıs arqyly 96 tonna ómirlik mańyzy bar dári-dármek pen medıtsınalyq qural-jabdyq jetkizilgenin habarlady, dep jazady AZERTADJ Khaama Press-ke silteme jasap.
Elde ekonomıkalyq qıyndyqtar men medıtsınaǵa qoljetimdiliktiń shekteýli bolýyna baılanysty gýmanıtarlyq qajettilikter artyp otyr.
Júk Dýbaıdaǵy Ál-Maktým halyqaralyq áýejaıynan jóneltilgen. Onyń quramyna Dúnıejúzilik densaýlyq saqtaý uıymy, «Shekarasyz dárigerler» jáne ıÝNISEF sekildi iri halyqaralyq seriktestermen birlesip daıyndalǵan mańyzdy medıtsınalyq kómek kirgen.
Resmı málimetke sáıkes, aldaǵy úsh aı ishinde bul kómek Aýǵanstandaǵy az qamtylǵan jáne daǵdarystan zardap shekken óńirlerde 250 myńnan astam adamdy qamtyp, negizgi medıtsınalyq qyzmetterdiń úzdiksiz kórsetilýine yqpal etedi.
Budan buryn Aýǵanstan bıligi sońǵy on kúnde tolasyz jaýǵan jańbyr sý tasqyny men kóshkin týdyryp, saldarynan 77 adam qaza taýyp, taǵy 137 adam jaraqat alǵanyn habarlady.