BAÁ Aýǵanstandaǵy elshisi Qandaǵardaǵy teraktide jaralandy
ÁBÝ-DABI. QazAqparat - Birikken Arab Ámirlikteriniń Aýǵanstandaǵy elshisi men Qandaǵar provıntsııasynyń gýbernatory seısenbi kúni bolǵan teraktide jaraqattandy, dep habarlaıdy «QazAqparat» HAA menshikti tilshisi.
BAÁ Syrty ister mınıstrligi atalǵan habardy rastady jáne elshi Ál Kaabıdiń Qandaǵarda BAÁ Aýǵanstan halqyna kómegi baǵdarlamasy aıasynda gýmanıtarlyq mıssııamen júrgenin atap ótti.
«Elshi Ál Kaabı Kardan ýnıversıtetimen ózara túsinistik týraly memorandýmge qol qoıý úshin jáne Halıfa ben Zaıed Ál Nahaııan qorynyń stıpendııasymen qoldaý kórsetý úshin barǵan», - delingen Aýǵanstan SІM málimdemesinde.
Lańkester provıntsııa gýbernatorynyń BAÁ dıplomattaryn qabyldaǵan qonaq kútý úıine shabýyl jasady. Aýǵandyq BAQ shabýyldan eń kemi toǵyz adamnyń mert bolǵanyn habarlady.
