BAÁ áýe kompanııalary Sınaı túbeginiń ústimen ushatyn reısterin toqtatty
ÁBÝ-DABI. QazAqparat - Birikken Arab Ámirlikteriniń áýe kompanııalary eýropalyq áýe tasymaldaýshylarynyń Sınaı túbeginiń ústimen ushýdy toqtatý sheshimine qosyldy.
Ámirlikterdiń The National gazetiniń habarlaýynsha, úsh áýe kompanııasy - «Emıreıts», «Eır Arabııa» jáne «FlaıDýbaı» senbi kúni reseılik áýe kemesi apatqa ushyraǵan Mysyrdyń áýe keńistiginde ushýlaryn toqtatty.
Ábý-Dabı ámirliginiń áýe tasymaldaýshysy - «Etıhad» kompanııasy Mysyrdyń jerdegi qyzmetteriniń nusqaýlyqtaryn ustana otyryp, reısterin Sınaı túbeginiń ústimen oryndaýdy jalǵastyrady.
Jeksenbi kúni Mysyrdyń azamattyq qorǵanys mınıstri Hossam Kamal el bıligi «Kogalymavıa» áýe kompanııasy reısiniń anyqtalǵan 122 dene jáne tulǵalary tanylmaǵan 42 jolaýshynyń súıekteri salynǵan 164 qaraly júkti jibergenin málimdedi.
