BAÁ áýe keńistigindegi shekteýlerdi 27 sáýirge deıin saqtaıdy
ASTANA. KAZINFORM — Birikken Arab Ámirlikteri áýe keńistigindegi shekteýlerdi 27 sáýirge deıin uzartty. TASS málimetinshe, reıster shekteýli dálizder arqyly júzege asyrylady, al aımaqtaǵy jaǵdaı áýe qatynasyna áser etýdi jalǵastyryp otyr.
Tıisti sheshim eldiń avıatsııalyq bılik organdary tarapynan qabyldandy.
— Birikken Arab Ámirlikteri áýe keńistigi keminde 27 sáýir kúni dúnıejúzilik ýaqyt boıynsha túske deıin (Astana ýaqytymen 17:00-ge deıin) ishinara jabyq kúıde qalady, — dep habarlaıdy TASS Taıaý Shyǵystaǵy dıspetcherlik qyzmetterdegi derekkózge silteme jasap.
Belgili bolǵandaı, jergilikti áýejaılar qatynaý úshin alty áýe dálizi jumys istep tur. Sonymen qatar, el aýmaǵy arqyly Katar áýejaılaryna baǵyttalǵan taǵy eki marshrýt belgilengen.
Buǵan deıin Katar sheteldik áýe tasymaldaýshylary úshin óz áýe keńistigin ashatyny habarlanǵan bolatyn.
Sondaı-aq, Iran AQSh-tyń blokadasyn alyp tastaý máselesimen kelesi kelissózder kezeńine qatysýdy baılanystyryp otyrǵany týraly da habarlanǵan edi.
