BAÁ astanasyna myńdaǵan beınebaqylaý kamerasy ornatylatyn bolady

ÁBÝ-DABI. QazAqparat - Ábý-Dabı bıligi qalalyq beınebaqylaýdyń jańa Falcon eye (Suńqar kózi) júıesin engizip jatyr. Ol ámirlik astanasynyń basym bóligin baqylaı alady.

Falcon eye júıesi BAÁ elordasynyń negizgi aýdandaryn, sonyń ishinde  ıAs, Ábý-Dabı halyqaralyq áýejaıyn jáne  Mýssafa aýdanyn qamtıdy.

Basqarý ortalyǵynan joldardy baqylaýǵa bolady. Júıe jolda júrý erejeleriniń buzylýyn: ozý úshin jol jıegin paıdalanǵanyn, zańsyz kóligin qoıyp ketkenin, sonymen qatar belgilenbegen jerde jınalýyn  anyqtaıdy.  

Ámirlik polıtsııasynyń basshysy general-maıor Mohammed Halfan Al Romaıtı Falcon eye júıesi «Ábý-Dabıdiń qaýipsiz qoǵam qurý boıynsha strategııasynyń bólshegi ekenin» aıtty.