BAÁ alǵashqy jolaýshylar temirjolyn paıdalanýǵa berdi
ASTANA. KAZINFORM — Birikken Arab Ámirlikteriniń alǵashqy ulttyq jolaýshylar temirjol jelisi iske qosylyp, Fýdjeıradan Abý-Dabıge alǵashqy poıyz jolǵa shyqty, dep habarlaıdy CNN.
Birinshi poıyz jergilikti ýaqyt boıynsha tańǵy saǵat 5:34–te jolǵa shyǵyp, Abý-Dabıdegi Muhammed bın Zaıed qalalyq stantsııasyna tańǵy saǵat 7:19–da kelip jetti, shamamen 250 shaqyrymdy 1 saǵat 45 mınýtta júrip ótti.
Jumystyń alǵashqy kúninde alty poıyz josparlanǵan bolatyn.
Etihad Rail operatorynyń málimeti boıynsha, ashylý aldynda 10 myńnan astam bılet satyldy.
Jolaýshylarǵa zamanaýı jaılylyq deńgeıi usynylady: vagondar kondıtsıonerlermen, Wi-Fi jelisimen, qurylǵylardy qýattaýǵa arnalǵan elektr rozetkalarymen jáne bekitilgen oryndarmen jabdyqtalǵan. Sondaı-aq jaılylyǵy joǵary ári qosymsha qyzmetter usynylatyn premıým-klass oryndary qarastyrylǵan.
Jyl sońyna deıin jeli Dýbaı, Ál-Daıda jáne Ál-Dafra stantsııalarymen keńeıtiledi, al kelesi jyldyń naýryz aıynyń sońyna deıin Shardjdaǵy stantsııanyń ashylýymen búkil baǵyt aıaqtalady.
Bıletter baǵasy Comfort klass úshin 55 BAÁ dırhamy (shamamen 7800 teńge) jáne Premium klass úshin 120 dırham (shamamen 17000 teńge) bastalady. Etihad Rail qazirgi ýaqytta árqaısysynyń syıymdylyǵy 400 jolaýshy bolatyn 13 poıyzǵa ıe.
Temirjol jelisiniń jalpy uzyndyǵy 900 shaqyrymdy quraıdy. Joba úkimettiń kómirtegi shyǵaryndylaryn azaıtý jáne ekologııalyq turaqty kólik júıesin damytý strategııasynyń bóligi.
Buǵan deıin Qazaqstan men BAÁ júrgizýshi kýálikterin ózara taný jóninde kelisimge kelgen bolatyn.
