BAÁ Abý-Dabıde jasalǵan jańa arab tilindegi JI Falcon Arabic-ti tanystyrdy
ASTANA.KAZINFORM - Birikken Arab Ámirlikteriniń ulttyq sımvoly suńqardyń atymen atalǵan arab tilindegi jańa Jjasandy ıntellekt modeli eldiń tsıfrlyq tehnologııalardy damytý baǵytyn kórsetedi, dep habarlaıdy Kazinform tilshisi.
BAÁ Abý-Dabı Jetildirilgen Tehnologııalar Keńesi (ATRC) ázirlegen Falcon Arabic atty arab tilindegi jasandy ıntellekt úlgisin iske qosty.
Jańa JI modeli arab álemindegi joǵary tehnologııalar men JI salasyndaǵy Ámirlikterdiń kóshbasshylyǵyn nyǵaıtýǵa baǵyttalǵan mańyzdy qadam, dep habarlaıdy GlobalData.
Falcon Arabic Falcon 3-7B, 7 mıllıard parametr úlgisinde qurastyrylǵan jáne standartty arab jáne aımaqtyq dıalektilerdi qamtıtyn jergilikti arab mátinderiniń joǵary sapaly derekter jınaǵynda daıyndalǵan.
Ázirleýshilerdiń pikirinshe, Falcon Arabic barlyq arab tilindegi JI modelderi arasynda eń ozyq ónimdilikti kórsetedi jáne kólemi jaǵynan úlken básekelestermen salystyrýǵa bolady.
Falcon Arabic tanystyrylymy ótken aptada AQSh prezıdenti Donald Tramptyń Ámirlikterge saparymen tuspa-tus keldi, onyń barysynda eki tarap JI kelisimin jarııalady.
Tramp kelisim BAÁ-ge JI úshin ozyq amerıkalyq jartylaı ótkizgishterge qol jetkizýge múmkindik beretinin, bul Parsy shyǵanaǵy memleketi úshin úlken tehnologııalyq jetistik bolatynyn atap ótti.
Falcon Arabic-pen qatar, Falcon-H1 de kórmege qoıylǵan, ATRC bas hatshysy Feısal Ál Bannaı bul Meta jáne Alibaba tehnologııalyq alpaýyttarynyń sheshimderinen joǵary ekenin aıtady.
- Búginde JI salasyndaǵy kóshbasshylyq - bul aýqymdy jarys emes, ol tehnologııalardy qýatty, qoljetimdi jáne ámbebap etýge umtylý, - dedi ol.
Falcon-H1 JI iske qosý úshin qajetti esepteý resýrstary men tehnıkalyq daǵdylardy azaıtýǵa baǵyttalǵan jáne oqytý derekterin paıdalaný arqyly 100-den astam tilderdi, sonyń ishinde eýropalyq tilderdi qoldaıdy.
2025 jyldyń mamyr aıynyń basynda Saýd Arabııasy jasandy ıntellekt tehnologııalaryn ázirleýge jáne engizýge arnalǵan Humain kompanııasynyń iske qosylǵanyn jarııalady.
Osyǵan deıin Májilistiń jasandy ıntellekt týraly úsh zańnyń jobasyn maquldaǵany týraly jazdyq,