BAÁ 82 lańkestik uıymnan turatyn «qara tizimdi» jarııalady

Tyıym salynǵan uıymdar tizimine «Musylman baýyrlar» saıası aımaqtyq qaýymdastyǵy men «Islam memleketi» uıymy endi. Sonymen birge ámirlik terrıtorııasynda Lıvııa, Týnıs, Malı, Nıgerııa, Pákistan, Aýǵanstan ıslamshyl toptaryna tyıym salyndy. Sondaı-aq «qara tizimde» sheıitterdiń toptary, Taıaý Shyǵystyń «Hezbolla» uıymy da bar. Aǵymdaǵy jyldyń tamyz aıynyń sońynda BAÁ prezıdenti sheıh Halıfa ben Zaıed ál Nahaııan 7-shi nómirli federaldyq zańdy qabyldady. Ol lańkestikpen kúres sharalaryn arttyrýǵa baǵyttaldy. Zańǵa sáıkes, lańkestik pen ekstermıstik áreketterge kómekteskeni úshin qoldanylatyn jazalardy kúsheıtý qarastyrylǵan. Sarapshylardyń baǵalaýy boıynsha, Ábý-Dabıdiń atalǵan qadamy kórshi Saýd Arabııasynyń osyǵan uqsas sharalaryn qaıtalaıdy. Onda da 2014 jyldyń naýryzynda osylaı lańkestikke qarsy zańnama kúsheıtilgen bolatyn.