B. Jylqyshıev Senattyń Agrarlyq máseleler jáne qorshaǵan ortany qorǵaý komıtetiniń tóraǵasy bolyp saılandy
ASTANA. Naýryzdyń 18-i. QazAqparat /Qanat Mámetqazyuly/ - Senator Bolat Jylqyshıev QR Parlamenti Senatynyń Agrarlyq máseleler jáne qorshaǵan ortany qorǵaý komıtetiniń tóraǵasy bolyp saılandy. Búgin QR Parlamenti Senatynyń jalpy otyrysynda palata depýtattary osyǵan baılanysty arnaıy qaýly qabyldady,
dep habarlaıdy QazAqparat.
B. Jylqyshıev 1957 jylǵy 17 qyrkúıekte týǵan, bilimi joǵary. Qazaqtyń hımııa-tehnologııa ınstıtýtyn, Ońtústik Qazaqstan tehnıkalyq ýnıversıtetin bitirgen. Ol Taraz qalasynyń ákimi, Ońtústik Qazaqstan oblysy ákiminiń orynbasary, Ońtústik Qazaqstan oblystyq ákimshiliginiń Departament bastyǵy, Kentaý jáne Shymkent qalalarynyń ákimi, Ońtústik Qazaqstan oblysynyń ákimi, «Qazatomónerkásip» Ulttyq atom kompanııasy» AQ vıtse-prezıdenti bolyp qyzmet istegen.
III dárejeli «Barys» ordenimen, tórt medalmen marapattalǵan.
Senat depýtattyǵyna Qazaqstan Respýblıkasy Prezıdentiniń Jarlyǵymen taǵaıyndalǵan bolatyn.
