B.Jumaǵulovtyń tóraǵalyǵymen ǵylymı zerthanalar qyzmeti boıynsha keńes ótti

Alqaly jıynda sóz alǵan mınıstrdiń atap ótýinshe, qazirgi ýaqytta Bilim jáne ǵylym mınıstrigi barlyq sanattaǵy joǵary oqý oryndaryna, birinshi kezekte ýnıversıtetterge qoıylatyn jańa talaptardy ázirleý ústinde. «Búginde joǵary oqý oryndarynyń jańa jiktemesin jáne zertteý ýnıversıtetteri boıynsha qujattar toptamasyn ázirledik. Osy JOO halyqaralyq standarttarǵa sáıkes ǵylymı jáne ınnovatsııalyq qyzmet úshin zamanǵa saı bilikti kadrlardy daıarlaýdy qamtamasyz etýi tıis. Osy jyldyń ózinde biz 1-2 zertteý ýnıversıtetin jáne ınnovatsııaǵa baǵdarlanǵan 10 joǵary oqý ornyn iriktep alamyz», - dedi ol.

Sondaı-aq onyń sózine qaraǵanda, sońǵy jyldary ǵylymı-zertteý ınstıtýttary men JOO arasynda zertteý belsendiligine qaraı qaıta bólý júzege asyryldy. Nátıjesinde ǵylymı-zertteý ınstıtýttarynyń úlesi 68 paıyzdan 59 paıyzǵa azaıyp, joǵary oqý oryndary 23 paıyzdan 32 paıyzǵa kóbeıgen. «Negizinen bul oń qubylys. Ol ǵylymdy bilim berý úderisimen biriktirýge múmkindik beredi. Tek solaı ǵana qazirgi zaman talaptaryna saı keletin mamandardy daıarlaýǵa bolady», - dedi mınıstr.

Bul rette B.Jumaǵulovtyń paıymynsha, joǵary oqý oryndary tek óz múddelerin ǵana oılaı bermeı, ǵylymı- zertteý ınstıtýttarymen jáne ǵylymı ortalyqtarmen olarda jumys isteıtin ǵalymdarmen tyǵyz ózara qarym-qatynasty qamtamasyz etýi tıis.