B.Jumaǵulov «JOO-nyń eń úzdik oqytýshylaryna» memlekettik granttardy tabys etedi

Dástúrli saıysqa ótken jyly respýblıkanyń 86 joǵary oqý ornynan 1000 úmitker qatysty: onyń 43-i memlekettik, 12-si aktsıonerlik jáne 31-i jekemenshik joǵary oqý oryndarynan.

Bilim mınıstrliginen atap ótkendeı, «Joǵary oqý ornynyń úzdik oqytýshysy» memlekettik grantyn ıelengenderdiń basym denin ǵylymı ataǵy bar oqytýshylar quraıdy. Atap aıtqanda, 68 paıyzdan astamy professorlar men ǵylym doktorlary, qalǵandary - dotsentter, ǵylym kandıdattary jáne PhD doktorlary. Salystyrý úshin aıta keteıik, 2009 jyly ǵylym doktorlary grant ıegerleriniń 42 paıyzyn qurady.

«Úzdik» dep tanylǵandardyń arasynda astanalyq oqytýshylar da bar. Solardyń jeteýi S.Seıfýllın atyndaǵy Qazaq agrotehnıkalyq ýnıversıtetinde bilim beredi. Olar: veterınarııa jáne mal sharýashylyǵy tehnologııasy fakýltetiniń dekany Talǵat Ábdirahmanov, agronomııa fakýltetiniń dekany Nurlan Serekbaev, energetıka fakýltetiniń dekany Murat Shúkirálıev, veterınarlyq medıtsına kafedrasynyń meńgerýshisi Isataı Jaqypov, aýyl sharýashylyq jáne astyqty qaıta óńdeý mashınalary kafedrasynyń meńgerýshisi Múbarak Ádýov, ınformatıka kafedrasynyń meńgerýshisi Gúlden Myrzabekova, kásiptik bilim berý kafedrasynyń meńgerýshisi Maral Esekeshova.

2005 jyldan beri QR BǴM-nyń grantyna tarıhy tereńde jatqan atalmysh ýnıversıtettiń 28 oqytýshysy ıe bolyp, ǵylymı jańalyqtaryn ómirge engizýge múmkindik aldy.

Sondaı-aq, memlekettik grant otandyq oqytýshylarǵa Ulybrıtanııa, Germanııa, Frantsııa, Italııa, Ispanııa, Belgııa, Polsha, Chehııa, Vengrııa, Shvetsııa, Avstrııa, Bolgarııa, Lıtva, Latvııa, Reseı jáne taǵy basqa memleketterdiń jetekshi joǵary oqý oryndarynda synaqtan ótýge múmkindik beredi.

Sonymen qatar grant ıegerleri bir jyl boıy halyqaralyq ǵylymı konferentsııalarǵa, sımpozıým, kongress, ǵylymı-zertteý taqyryptaryna arnalǵan semınarlarǵa qatysa alady.