B.Jumaǵulov jastardy tárbıeleýdiń 2013-2015 jyldarǵa arnalǵan keshendi baǵdarlamasyn ázirleýdi tapsyrdy

Bul tapsyrmany B.Jumaǵulov búgin, Bilim jáne ǵylym mınıstrliginiń keńeıtilgen alqa májilisinde berdi.

Bilim mınıstri, Elbasynyń Qazaqstan halqyna arnalǵan bıylǵy Joldaýynda atap kórsetilgen oqytý úderisiniń quramdasyn kúsheıtý jónindegi tapsyrmasy vedomstvo jaýapkershiligine artylǵandyǵyn aıtty.

«Biz únemi tárbıe jumysynyń jańa ádisteri men nysandary arqyly aldyn ala jumys júrgizýimiz qajet. Sondyqtan osy jyly bilim alýshy jastardy tárbıeleýdiń 2013-2015 jyldarǵa arnalǵan keshendi baǵdarlamasyn ázirleýimiz kerek. Onda basty ról «Jas Ulan» uıymyna beriledi»,-dedi mınıstr.

B. Jumaǵulovtyń atap ótkenindeı, bul úrdiske mınıstrlikten bastap mektep dırektorlary men árbir pedagog bir kisideı atsalysýy tıis.