B. Jumaǵulov: Shyn máninde oqýlyq oqýshy talabyn qanaǵattandyra almaı otyr
ASTANA. 24 tamyz. QazAqparat - Bilim berý standarttary men mektep oqýlyqtarynyń sapasyn arttyrý qajet.
Bul týraly búgin Astanada «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynyń plenarlyq otyrysy barysynda Bilim jáne ǵylym mınıstri Baqytjan Jumaǵulov málim etti.
«Shyn máninde oqýlyq oqýshy talabyn qanaǵattandyra almaı otyr. Qazirgi tarıhı bilim arqyly oqýshynyń tulǵa, azamat jáne otansúıgish retinde qalyptasýyna kúsh salýymyz kerek. Azamattyq ulttyq sana qalyptaspaǵan jaǵdaıda urpaǵymyz táýelsiz memleketimizdiń tiregi bola almaıdy. Oqýlyqtar eskirgen ádisteme boıynsha daıyndalady. Osylaısha, oqýlyq daıyn aqparattan ǵana turady. Qazirgi zamanǵy talaptar saqtalmaıdy. Muǵalim osyndaı oqýlyqtarmen jeke tulǵany qalaı damytady?» - dedi mınıstr.
Onyń paıymdaýynsha, sondyqtan bilim standarttarynyń negizin jáne oqýlyqtar mazmunyn qaıta qaraý qajet.
