B. Jumaǵulov pedagog mamandardyń aqparattyq zamanǵa ilese almaı jatqanyna alańdaıdy
ASTANA. 23 tamyz. QazAqparat - Búgin Tamyz konferentsııasynyń plenarlyq májilisinde QR Bilim jáne ǵylym mınıstri Baqytjan Jumaǵulov pedagog mamandardyń aqparattyq zamanǵa ilese almaı jatqanyna alańdańdaýshylyq bildirip, olardyń barlyǵyn qazirgi baılanys tehnologııalaryn jan-jaqty meńgerýge shaqyrdy.
«Búginde bizdiń balalarymyz sandyq aqparat aıdynynda erkin júzip júr. Al barlyq muǵalimderdiń osy balalardan qalyp qoımaýǵa shamasy jete me? Ókinishke qaraı, bári birdeı emes», - dep atap kórsetti B.Jumaǵulov. Onyń aıtýynsha, bul jaǵdaı balanyń aınaladaǵy dúnıeni ustazdyń kómegimen emes, kompıýter arqyly tanýǵa ákelip soqtyrady. Al ǵalamtorda qundy aqparattarmen birge jastardyń sanasyna keri áser etetin jáıtter de kóptep kezdesedi. «Sondyqtan árbir pedagog, birinshiden, zamanaýı jelilik kommýnıkatsııalyq tehnologııalardy joǵary deńgeıde meńgerýi tıis. Ekinshiden, vırtýaldy keńistiktiń artyqshylyǵy men kemshiligin óz tájirıbesi arqyly bilýi kerek. Úshinshiden, balalardy mundaı tehnologııalardy sanaly túrde paıdalanýǵa úıretip, jańasha oılaý qabiletin damytý qajet», - dedi mınıstr.
