B.Jumaǵulov: Memleket saıasatyndaǵy basty baǵyttardyń biri - pedagogtardyń mártebesin kóterý
ALMATY. 5 qazan. QazAqparat - «Eger el óziniń bolashaǵy týraly oılasa, ol óskeleń urpaqty qamqorlyǵyna alýy qajet.
Sondyqtan memleket saıasatyndaǵy basty baǵyttardyń biri - pedagogtardyń mártebesin kóterý», - dep málimdedi búgin Almatyda pedagogıkalyq eńbek ardagerlerin resmı qabyldaý kezinde Qazaqstan Respýblıkasynyń Bilim jáne ǵylym mınıstri Baqytjan Jumaǵulov.
«Biz tárbıe jáne bilim berý úderisterine álemdegi úzdik tájirıbeniń barlyǵyn aldyq. Biz Nazarbaev Ýnıversıtetin, Nazarbaev Zııatkerlik mektepterin qurdyq, sonda tek qana oqýshylardy, bolashaq qyzmetkerlerdi oqytyp qana qoımaı, qazaqstandyq muǵalimderdi qaıta oqytýdamyz», - dep qosıy B.Jumaǵulov. Ol sondaı-aq sońǵy eki jylda bilim berý júıesiniń qarjylandyrylýy 500 mlrd. teńgege óskenin atap ótti.
«Bul qomaqty qarajat Qazaqstan Respýblıkasynyń bolashaǵyn daıyndaýǵa jiberilýde, óıtkeni kez kelgen el óziniń óskeleń urpaǵyn qamqorlyǵyna alýy kerek», - dep málimdedi mınıstr.
Resmı qabyldaýǵa pedagogıkalyq eńbek ardagerleri, respýblıkanyń eńbegi sińgen muǵalimderi, jas pedagogtar, sondaı-aq QR BǴM-niń ókilderi qatysty.
