B. Jumaǵulov Eýrazııa ýnıversıtetiniń «Eýrazııa maqtanyshy» medalimen marapattaldy
ASTANA. 1 aqpan. QazAqparat /Qanat Mámetqazyuly/ - Búgin L. Gýmılev atyndaǵy Eýrazııa ulttyq ýnıversıtetinde Bilim jáne ǵylym mınıstri Baqytjan Jumaǵulovtyń qatysýymen 2011 jylǵy 28 qańtardaǵy QR Prezıdentiniń Qazaqstan halqyna joldaýyn túsindirý máselelerine arnalǵan jıyn ótti.
Jıyn barysynda Eýrazııa ulttyq ýnıversıtetiniń rektory Baqytjan Ábdiraıymov mınıstrdi ýnıversıtettiń «Eýrazııa maqtanyshy» medalimen marapattady.
«Bizdiń ýnıversıtetke Memleket basshysynyń, Bilim jáne ǵylym mınıstriniń qamqorlyǵy erekshe. Jaqynda ǵana stýdentterge arnap salynǵan jańa jataqhana ashyldy. Bul da bılik tarapynan jastarǵa, joǵary oqý oryndaryna degen úlken qoldaý dep bilemiz. Bilim jáne ǵylym mınıstriniń osy salany jańa deńgeıde kóteretinine úlken senimmen qaraımyz. Onyń ústine B. Jumaǵulovtyń bilim jáne ǵylym salasyna qosqan aıryqsha úlesi zor áli de ondaı eńbektiń jandana túsetini kámil. Sondyqtan da, ýnıversıtet ǵalymdarynyń ǵylymı keńesi B. Jumaǵulovty «Eýrazııa maqtanyshy» atty medalmen marapattaý týraly sheshim shyǵardy», - dedi Eýrazııa ýnıversıtetiniń rektory B. Ábdiraıymov.
