B.Jumaǵulov: Elimizde oqýshylardyń demalys merzimin ózgertýdiń qajeti joq
ASTANA. 14 aqpan. QazAqparat - Elimizde oqýshylardyń demalys merzimin ózgertýdiń qajeti joq. Bul pikirdi búgin Úkimet otyrysynan keıin BAQ ókilderiniń saýalyna oraı jaýap bergen QR Bilim jáne ǵylym mınıstri Baqytjan Jumaǵulov bildirdi.
«Meniń mınıstr retindegi jeke kózqarasym, Qazaqstanda qalyptasqan dástúr jaman emes. Eger de jyl boıy jyly bolatyn basqa eldi alatyn bolsaq, onda balaǵa qashan jáne qaı ýaqytta demalysqa shyǵýy mańyzdy emes. Degenmen shuǵyl kontınentaldy klımaty bar Qazaqstanda qysqy demalysty uzartý menińshe ózin-ózi aqtamaıdy», - degen mınıstr aǵymdaǵy jyly oqýshylardyń demalys merzimderi ózgerissiz qalatyndyǵyn basa aıtty.
Sonymen qatar ózine demalys merzimin uzartý, qysqartýǵa qatysty saýaldardyń kóptep túsetindigin atap ótken ol: «Sondyqtan da meniń buıryǵymmen komıssııa quryldy. Onyń quramyna Parlament depýtattary, qoǵam ókilderi kirdi. Biz bul máseleni jan-jaqty zerdeleıtin bolamyz», - dedi.
