B.Jumaǵulov: Egerde UBT qorytyndysyn ózgertýge júzden bir múmkindik bolsa, men árkezde talapkerdi qoldar edim

Bul týraly «Vremıa» gazeti oqyrmandarynyń saýaldaryna jaýap bergen Bilim jáne ǵylym mınıstri Baqytjan Jumaǵulov aıtty.

Elimizdiń ulttyq joǵary oqý oryndaryna oqýǵa túsýge arnalǵan eń tómengi shektiń nelikten joǵarylaǵandyǵyn túsindirgen mınıstr: «Óıtkeni bul mekemelerde eń úzdikter oqýy tıis. Bul ózgeristerge deıin jeńildikteri bar aýyl mektepteriniń túlekteri almatylyq nemese elordalyq túlekterge qaraǵanda óte jıi barynsha ońtaıly jaǵdaıda boldy. Bul shyndyǵynda da saýaldar týyndatty. Qarashadan bastap 4 aı boıy bizder jaǵdaıǵa monıtorıng júrgizdik, synaq testilerin ótkizdik. Qazirdiń ózinde UBT-nyń aldyn ala qorytyndysy dál osy aýyl mektepteriniń kórsetkishteri 15 balǵa, al Astana men Almaty mektepteriniki tek 1-2 balǵa tómendegenin kórsetip otyr. Budan bólek, egerde ótken jyly eń tómengi shekten barlyq talapkerlerdiń 10 paıyzy óte almasa, aǵymdaǵy jyly bul kórsetkish 30 paıyzǵa jetti», - dedi B.Jumaǵulov.

Bul rette mınıstr egerde jetkinshek sabaǵyn jaqsy oqyp, UBT qorytyndysymen kelispese apellıatsııaǵa berý kerektigin basa aıtqan. «Osy jyldan bastap UBT-nyń qorytyndysy boıynsha Bilim mınıstrligi janynda arnaıy qurylǵan shtabqa apellıatsııaǵa berýge bolady. Egerde UBT qorytyndysyn ózgertýge tipti júzden bir múmkindik bolsa, men árkezde de talapkerdi qoldar edim», - dedi ol.