B.Jumaǵulov balabaqshalarǵa memlekettik tapsyrysty ornalastyrý máselesi boıynsha óńirlermen vıdeokeńes ótkizdi
ASTANA. 10 shilde. QazAqparat - Qazaqstan Respýblıkasy Bilim jáne ǵylym mınıstrliginiń ınteraktıvtik stýdııasynda vedomstvo basshysy Baqytjan Jumaǵulovtyń tóraǵalyq etýimen selektorlyq jınalys ótti.
Bul týraly mınıstrliktiń baspasóz qyzmetinen málim etti.
Jınalysta «Balapan» baǵdarlamasyn iske asyrý aıasynda mektepke deıingi uıymdarda memlekettik bilim berý tapsyrysyn ornalastyrý máseleleri talqylandy.
Selektorlyq jınalysta Qazaqstan Respýblıkasy Qarjy mınıstrliginiń Áleýmettik saladaǵy bıýdjettik baǵdarlamalaryn josparlaý, olardyń atqarylýyn taldaý jáne iske asyrylýyn baǵalaý departamentiniń dırektory, oblys ákimderiniń orynbasarlary jáne bilim basqarmalarynyń bastyqtary qatysty.
Vıdeokonferentsııa rejıminde oblys ákimderdiń orynbasarlary men bilim basqarmalarynyń bastyqtary jańa ashylǵan oryndarǵa memlekettik tapsyrysty ornalastyrý boıynsha aǵymdaǵy jaǵdaıdan habardar etti. Qaraǵandy oblysynyń ákimi J. Jylbaev oblystyń mektepke deıingi bilim berýdegi jekemenshik seriktestiktiń damýy jóninde júrgizilip jatqan jumystary týraly atap ótti. Mektepke deıingi uıymdarda materıaldyq-tehnıkalyq bazany nyǵaıtý jáne jergilikti bıýdjet esebinen balabaqshalar qurylysynyń kúrdeli shyǵyndaryn qarjylandyrýdy qamtamasyz etý boıynsha sharalar talqylandy.
Atalǵan jınalystyń nátıjesinde «Balapan» baǵdarlamasy boıynsha mektepke deıingi uıymdarda memlekettik bilim berý tapsyrysyn ornalastyrýdyń mehanızmin odan ári jetildirý usynystary qabyldandy.
