13:46, 13 Qyrkúıek 2015 | GMT +6
B.Jeksembın: Qazaq handyǵyna 550 jyl merekesi aıasynda biz babalar erligin eske alatyn bolamyz
TAShKENT. QazAqparat - Biz saltanatty mereıtoı aıasynda babalarymyzdyń Qazaq handyǵyn qurǵan, ony óńirdegi yqpaldy elge aınaldyrǵan erligin eske alatyn bolamyz.
Bul týraly QR Konstıtýtsııasynyń jáne QHA-nyń 20 jyldyǵyna arnalǵan fotokórmede sóz sóılegen Qazaqstannyń Ózbekstandaǵy Tótenshe jáne Ókiletti Elshisi B.Jeksembın aıtty.
B.Jeksembın óz sózinde bıyl Qazaqstanda keńinen atalyp ótip jatqan Qazaq handyǵynyń 550 jyldyǵy merekesiniń mańyzy zor ekenine toqtaldy.
«Bizdiń elimiz, bizdiń halqymyz ǵaıyptan paıda bolǵan joq, biz - myńdaǵan jyldar boıy qazirgi Qazaqstan terrıtorııasynda ómir súrgen elderdiń urpaǵymyz, sol elder bizge memlekettiliktiń baı dástúrin mura etip qaldyrdy», - dedi elshi.
