B. Jarbosynov atyndaǵy Ýrologııa ǵylymı ortalyǵy Qazaqstan medıtsınasynyń damýyna úlken úles qosýda - Uzaqbaı Qaramanov
ALMATY. 2 maýsym. QazAqparat /Erlik Erjanuly/ - "Qaıta qurýdan keıingi ótpeli kezeńde ómirge kelgenine qaramastan, akademık Beınesh Jarbosynov atyndaǵy Ýrologııa ǵylymı ortalyǵy óziniń ómirsheńdigin dáleldedi", - dedi
qoǵam qaıratkeri Uzaqbaı Qaramanov búgin Almatyda óz jumysyn bastaǵan "Teorııalyq jáne klınıkalyq medıtsınanyń qazirgi zamanǵy máseleleri" dep atalatyn TMD elderiniń jas dáriger-ǵalymdarynyń HІ konferentsııasynda.
«Osydan 20 jyl buryn Úkimetke akademık Beınesh Jarbosynov ýrologııa ǵylymı ortalyǵyn qurý týraly ıdeıamen shyqty. Qaıta qurýdan keıingi ótpeli kezeńde dári-dármek turmaq hırýrgtar operatsııa jasaǵanda ony tigetin jiptiń ózi tapshy bolatyn. Osyǵan qaramastan keleshekti dál boljaıtyn bilgir ǵalymnyń usynysyna qoldaý kórsetip, ǵylymı ortalyqty qurý týraly qaýlyǵa óz qolymdy qoıdym», - dedi Uzaqbaı Qaramanuly.
Onyń aıtýynsha, TMD elderiniń jas dáriger-ǵalymdarynyń HІ konferentsııasynyń Beınesh Jarbosynov atyndaǵy ýrologııa ǵylymı ortalyǵynyń 20 jyldyq mereıtoıyna arnalýy kezdeısoq emes. Qazaqstan Respýblıkasy Táýelsizdiginiń 20 jyldymen tuspa-tus kelip otyrǵan bul ortalyqtyń Qazaqstan medıtsınasynyń ýrologııa salasynyń damýyna óz yqpalyn tıgizdi. Aldaǵy ýaqytta da zor úlesin qosa beretine eshkim kúmándanbaıdy. Óıtkeni munda 20 jylda kóptegen mamandar daıyndaldy. Al olardyń keleshegi alda.
Konferentsııa kezinde Ǵylymı ortalyqtyń dırektory, professor Myrzakárim Alshynbaev ujym qyzmetkerleri atynan eren eńbegi úshin Uzaqbaı Qaramanovqa shapan jaýyp, syı-qurmet kórsetti. M. Alshynbaevtyń aıtýynsha, Ýrologııa ǵylymı ortalyǵy sol kezde Keńes Odaǵy respýblıkalary ishinde Grýzııa, Ýkraına jáne Reseıden keıin tórtinshi bop Qazaqstanda ashylǵan.
