B.Jámishev aýyldyq eldi mekenderde sýmen jabdyqtaý jáne sý burý basqarmalaryn qurýdy usyndy
ASTANA. 19 qarasha. QazAqparat - Aýyldyq eldi mekenderde sýmen jabdyqtaý jáne sý burý basqarmalaryn qurý qajet.
Búgin Úkimet otyrysynda elimizdiń Óńirlik damý mınıstri Bolat Jámishev osyndaı usynys jasady.
«Aýyldyq eldi mekenderdi sýmen jabdyqtaý jáne sý burý jónindegi keshendi mindetterdi júıeli túrde sheshý úshin biryńǵaı operator - aýyldyq eldi mekenderde sýmen jabdyqtaý ári sý burý basqarmalaryn qurý máselelerin pysyqtaýdy usynamyz», - dedi B.Jámishev.
Onyń atap ótýinshe, biryńǵaı operator aýyldyq eldi mekenderde sýmen jabdyqtaý jáne sý burý sektoryn ortalyqtandyrýdy jáne barynsha tıimdi basqarýdy qamtamasyz etýge, sondaı-aq odan ári memlekettik-jeke menshik áriptestik nysanyn engize otyryp josparlaǵan kezde, sýmen jabdyqtaý jáne sý burý nysandaryn sapaly jobalaýǵa ári tıisti deńgeıde paıdalanýǵa múmkindik beredi.
