B.Sultanov: Memlekettik jáne kvazımemlekettik sektordyń syrtqy qaryzy 2020 jylǵa deıin 22 paıyzǵa deıin tómendetiledi
ASTANA. QazAqparat - Memlekettik jáne kvazımemlekettik sektordyń syrtqy qaryzy 2020 jylǵa deıin 22 paıyzǵa deıin tómendetiledi. Bul týraly búgin QR Parlamenti palatalarynyń birlesken otyrysynda QR Úkimet basshysynyń orynbasary - Qarjy mınıstri Baqyt Sultanov málim etti.
«Qazaqstannyń jalpy qaryzy 150 mlrd. dollarǵa jaqyndap qaldy. Biraq munyń jartysy fırmaaralyq qaryzdarǵa jatady. Bul - syrtqy iri ınvestıtsııalyq jobalar arqyly shetel ınvestorlarynan keletin qarajat», - dedi ol.
Mınıstrdiń atap ótýinshe, atalǵan qarajat Qazaqstannyń jalpy qaryzy ishine kiredi. Al qaryzdyń qalǵan jartysy memlekettik jáne kvazımemlekettik sektor men bankterdiń boryshtary. Bankterdiń syrtqy qaryzy 2007-2008 jyldardan bastap daǵdarysqa qarsy jumystar arqyly qarjy ınstıtýttaryna kómektesý jáne syrtqy qaryzdy qaıta qurylymdaý arqyly tómendetilýde.
«Memlekettik jáne kvazımemlekettik qaryzdy alar bolsaq, Elbasynyń Jarlyǵymen jańa bıýdjettik saıasat týraly tujyrymdama bekitildi. Osy qujatqa sáıkes, memlekettik jáne kvazımemlekettik sektordyń syrtqy qaryzy búgingi 27 paıyzdan 2020 jylǵa qaraı 22 paıyzǵa deıin tómendetýge tıistimiz», - dedi B.Sultanov.
