B.Shúmenovtyń ulybrıtanııalyq N.Klevarlıge Las-Vegasta jekpe-jek ótkizý usynysy óz kúshinde
ALMATY. 9 qańtar. QazAqparat /Erlik Erjanuly/ - Kásipqoı bokstan IBA jáne WBA tujyrymdarynyń chempıony, qazaqstandyq Beıbit Shúmenovtyń jartylaı salmaqtaǵy WBO úzdigi Natan Klevarlıge AQSh-tyń Las-Vegas qalasynda jekpe-jek ótkizý týraly jasaǵan usynysy óz kúshinde.
Buǵan deıin 23 kezdesý ótkizip, birde-bir jeńilistiń aşy dámin tatpaǵan Natan 23 aqpanda chempıondyq ataǵyn qorǵaýy tıis bolatyn. Onyń qarsylasy amerıkandyq Tommı Karpensı bolmaq. Buǵan deıin 21 kezdesý ótkizgen ol, 14-in nokaýtpen utty, ekeýinde jeńilip, bireýinde teń túsken edi. Bul boksshy WBO retınginde - 11, WBA reıtınginde - 12-orynda tur. Al 12 kezdesýdiń 10-yn nokaýtpen aıaqtap, bireýinde ǵana jeńilis tapqan ІBA jáne WBA chempıony Beıbit Shúmenov, N.Klevarlıge óz usynysyn ótken jyly qarashada joldaǵan bolatyn. Alaıda, jaqynda, ulybrıtanııalyq atalmysh boksshynyń komandasy B.Shúmenov olarǵa bul kezdesýge daıyndalyp úlgermegendigin aıtty dep málimdeme jasady. Ony Beıbit Shúmenov pen onyń keńesshisi Don Chardjın joqqa shyǵaryp, ózderiniń kezdesýge daıyn ekendikterin jarııa etti.
1987 jyly 17 aqpanda Sarfıllıde (Caerphilly) ómirge kelgen Natan Klevarlı kásipqoı bokstaǵy 23 jekpe-jektiń 11-in merziminen buryn (nokaýtpen) aıaqtaǵan bolatyn. Ol sońǵy ret óz ataǵyn 2011 jyly 15 qazanda Ulybrıtanııanyń Lıverpýl qalasynda qorǵady. Onda ol buǵan deıin 16 kezdesý ótkizip, onyń bireýinde ǵana jeńilis tapqan (10 nokaýtpen aıaqtaǵan) Tonı Belıýdi utty.
