B. Shúkenov atyndaǵy qor almatylyq balalar úıiniń tárbıelenýshilerin Jańa jyl merekesimen quttyqtaıdy

«Bizdiń Batyr ekeýmizdiń Jańa jyl aldynda qandaı da bir balalar úıine baryp, balalardy quttyqtaıtyn dástúrimiz bar edi. Men sol dástúrdi buzbaýdy uıǵardym. Bıyl Batyrhan Shúkenov atyndaǵy qor almatylyq balalar úıiniń birine syılyqtar ázirledi. Endi 29 jeltoqsanda baryp, Jańa jyl merekesimen quttyqtaıtyn bolamyz», - dedi B. Shúkenovtyń burynǵy prodıýseri Oljas Baıqanov.

Bul quttyqtaý sharasyna basqa da qazaqstandyq estrada juldyzdary qatysatyn bolady. Jańa jyldyq syılyqtar ishinde Batyrdyń 2013 jyly ótkizgen kontsertiniń DVD- dıskisi men taıaýda shyqqan «Amanat» albomy bar.

Sondaı-aq, Qor qazir qaladaǵy Onkologııa ortalyǵynda jatqan balalarǵa da arnaıy syılyqtar ázirlep jatyr.