B.Saparbaev joǵary oqý oryndaryn jańǵyrtý máseleleri boıynsha birqatar tapsyrmalar berdi
ASTANA. QazAqparat - Búgin Úkimet úıinde QR Premer-Mınıstriniń orynbasary Berdibek Saparbaevtyń tóraǵalyǵymen joǵary oqý oryndaryn jańǵyrtý máseleleri boıynsha komıssııa otyrysy ótti, dep habarlady www.primeminister.kz saıty.
Keńeste bilim jáne ǵylym mınıstrliginiń, Bas prokýratýranyń, joǵary oqý oryndarynyń, Qazaqstannyń Azamattyq Alıansy jáne ÚEU basshylary qatysty.
Otyrys barysynda Komıssııa qyzmetiniń qorytyndylary jáne JOO-lardy tekserý nátıjeleri týraly esepter tyńdaldy. Sonymen, olardy ońtaılandyrý nátıjesinde burynnan jumys istep turǵan 136 oqý ornynyń 127-si bilim berý qyzmetin atqarady. Komıssııa músheleri elimizdiń joǵary oqý oryndarynyń qyzmeti men olardy jańǵyrtý týraly halyqty aqparattandyrý turǵysynan QR BǴM-niń aqparattyq-nasıahattaý jumysyn kúsheıtý qajettigin atap ótti. Budan ózge, Komıssııa sot tártibinde materıaldardy odan ári sáıkes organdarǵa baǵyttaı otyryp, eki JOO-ny bilim berý lıtsenzııalarynan aıyrý týraly sheshim qabyldady. Keńeste sondaı-aq, bilim berý standarttaryna sáıkestigi, bilikti kadrlardy tartý jáne materıaldyq-tehnıkalyq bazanyń bolýy turǵysynan birqatar JOO-lardyń qyzmeti týraly málimet usynyldy. Otyrys qorytyndysy boıynsha B.Saparbaev joǵary oqý oryndaryn jańǵyrtý tetikterin jetildirýge, olardy ońtaılandyrýǵa, sondaı-aq túlekterdi eńbekpen qamtý monıtorıngisiniń tetikterin jasaýǵa jáne bilim, ǵylym jáne ınnovatsııalardy yqpaldastyrý deńgeıin arttyrýǵa qatysty birqatar tapsyrmalar berdi.
