B.Saparbaev «Soıýz TMA - 18 M» ǵarysh kemesiniń barlyq ekıpajyna sátti sapar tiledi

ASTANA. QazAqparat - Búgin QR Premer-Mınıstriniń orynbasary Berdibek Saparbaev Qyzylorda oblysyna eki kúndik jumys sapary aıasynda Baıqońyr qalasynda jáne osy óńirdiń birqatar eldi mekenderinde boldy, dep habarlady primeminister.kz.

Baıqońyrda Elbasynyń tapsyrmasy boıynsha ol «Soıýz TMA - 18 M» ǵarysh kemesiniń ekıpaj múshelerimen kezdesti, onyń quramynda qazaqstandyq ǵaryshker Aıdyn Aıymbetov te bar. Suhbat barysynda B.Saparbaev ǵaryshkerlerge sátti sapar tilep, alǵa qoıǵan mindetterdi oryndaýǵa tilektestik bildirdi. Kezdesý sońynda vıtse-premer ekıpajǵa EKSPO-2017, Qazaqstan halqy Assambleıasy jáne Qazaq handyǵynyń 550-jyldyǵy emblemalaryn tabystady.

B.Saparbaev sondaı-aq, qalanyń áleýmettik salasynyń birqatar nysandaryn aralady. Atap aıtqanda, ol perzenthana jumysymen tanysty jáne orta mektepte bolyp, onda jalpy bilim beretin mektepterdiń dırektorlarymen kezdesti.

Áleýmettik salany damytýmen tanysý Qarmaqshy aýdany Aqaı aýyldyq okrýginde jalǵasyn tapty, onda B.Saparbaev balabaqshany aralap, 600 oryndyq orta mekteptiń qurylysyn qarap shyqty.

Jumys saparynyń alǵashqy kúni 2014 jyly jóndeýden ótken «Qorqyt ata» memorıaldyq keshenimen tanysýmen, sondaı-aq Qarmaqshy aýdany Josaly aýylynda tarıhı-ólketaný mýzeıi men kitaphananyń ashylýymen aıaqtaldy.

Mýzeı kesheniniń ashylýynda sóılegen sózinde ol mádenıet nysandarynyń halyqtyń bilim deńgeıin arttyrýǵa jáne patrıotızmdi tárbıeleýdegi mańyzdylyǵyn atap ótti. Vıtse-premer qazaqstandyqtardyń barlyq býyndary úshin qyzyqty bolatyn zııatkerlik ortalyqqa aınalatynyna senim bildirdi.

Foto: azattyq.org