B.Saparbaev qyzylshaǵa qarsy vaktsınany sapaly saraptamadan ótkizýdi qamtamasyz etýdi tapsyrdy
ASTANA. QazAqparat - Búgin Úkimet úıinde QR Premer-Mınıstriniń orynbasary B. Saparbaev selektorlyq keńes ótkizdi, jıyn barysynda qyzylshaǵa qarsy jappaı ekpe júrgizý bastalǵannan keıin respýblıkada qalyptasqan jaǵdaı qaraldy.
Jıynǵa mınıstrlikter, vedomstvolar, jergilikti atqarýshy organdar basshylary qatysty, dep habarlady QR Premer-Mınıstriniń saıtynda.
Atap ótilgendeı, 15-19 jas aralyǵyndaǵy tulǵalardy qosymsha ımmýndeý úshin qalyptasqan epıdemıologııalyq jaǵdaıdy esepke alyp, qyzylshaǵa qarsy 1 mln. doza monovaktsına satyp alyndy. 15-19 jas aralyǵyn tańdaý jasóspirimderdiń qyzylshany juqtyrý kórsetkishteriniń joǵary bolýyna baılanysty boldy.
Vaktsınatsııa qyzylshaǵa qarsy monovaktsınaǵa qarsy júrgizildi. Bul ekpe DDSU-da 1993 jyly aldyn ala biliktilikten ótken. 39 elde tirkelip, ıÝNISEF jelisi boıynsha 45 elge jetkiziledi.
2015 jylǵy 19 aqpandaǵy jaǵdaı boıynsha respýblıkada 881 myń egilýi tıis balalardyń ishinen 59,4 paıyzy vaktsına qabyldady. 24 aqpanda 185-i medıtsınalyq kómkke júgingen. Bul jalpy egilgender sanynyń 0,03 paıyzyn quraıdy.
Tekserý barysynda kóp jaǵdaıda balalardyń shaǵymdary olardyń ekpege jeke sezimtaldyǵyna baılanysty ekeni anyqtaldy.
Balalarǵa tolyqtaı kómek kórsetiledi. Qajet bolǵan jaǵdaıda, statsıonarǵa jatqyzylady.
Qazir qyzylshaǵa qarsy ekpe respýblıka boıynsha toqtatyldy.
Jıyndy qorytyndylaǵan B. Saparbaev vaktsınany sapaly saraptamadan ótkizýdi, jappaı ekpe kezinde talaptardy saqtaýdy, ekpeden keıingi áseriniń sebepterin anyqtaý bóliginde óńirlik komıssııa qyzmetin úılestirý boıynsha respýblıkalyq jumys tobyn qurýdy tapsyrdy.
Sonymen qatar vıtse-premer Ulttyq ekpe kúntizbesine sáıkes odan ári ımmýndeý júrgizýge baqylaýdy kúsheıtýge nusqaý berdi. Jergilikti, atqarýshy memorgandarǵa bul taqyprypta alypqashpa áńgimelerdiń bolmaýy úshin BAQ-pen túsindirý aqparattyq jumystaryn júrgizýdi tapsyrdy.
