B.Saparbaev QR Prezıdenti Іs basqarmasy Medıtsınalyq ortalyǵynyń jańa aýrýhanasynda boldy
ASTANA. QazAqparat - QR Premer-Mınıstriniń orynbasary Berdibek Saparbaev shetel jáne ǵylymı ortalyqtarynyń ǵalymdarymen birge jańadan ashylǵan QR Prezıdenti Іs basqarmasy Medıtsınalyq ortalyǵynyń jańa aýrýhanasyn aralap kórdi.
Atalmysh mekeme 10 naýryzda ǵana esigin ashty. Keshende 200 statsıonarlyq, 8 operatsııalyq oryn, 4 emhana bar. Munda táýligine 1000 adam em qabyldaı alady. Aýrýhanada joǵary bilikti qyzmetkerler qyzmet etedi. Olardyń ishinde 11 doktor, 24 ǵylym kandıdaty bar, qyzmetkerlerdiń jartysynan astamy joǵary kategorııaly mamandar. Olardyń keıbiri sheteldiń jetekshi klınıkalarynda bilim aldy.
«Atalǵan keshen jaqynda ǵana Qazaqstan Prezıdenti Nursultan Nazarbaevtyń qatysýymen ashylǵan. Munda barlyq halyqaralyq standarttarǵa saı keletin medıtsınalyq jabdyqtar bar. Buryn qazaqstandyqtar sapaly em alý úshin shetelge shyǵýǵa májbúr edi, endi ondaı qajettilik joq. Jańa ortalyq ashylǵaly jańa aýrýhanada tekserilýden ótýge bolady», - dep atap ótti vıtse-premer.
Medıtsınalyq mekemeniń tanystyrylymyn QR Prezıdenti Іs basqarmasy Medıtsınalyq ortalyǵynyń basshysy Valerıı Benberın jasady. Qonaqtar ortalyqtyń tehnıkalyq jaraqtalýyn jáne em alýdyń jańa júıesin kórýge múmkindik aldy.
«Ujymymyzdyń jumysyna jáne ortalyqtyń jańa aýrýhanasyna joǵary baǵa bergenińizge rahmetimizdi aıtamyz», - dedi V. Benberın.
Aıta ketý kerek, aýrýhanada álemdik deńgeıdegi jabdyqtarmen qatar, zamanaýı dıagnostıkalyq blok jáne ıadrolyq medıtsına bólimshesi bar.
