B.Saparbaev qazaqstandyq telearnalarda zańnamadaǵy tildik talaptardyń saqtalýy máselelerine arnalǵan keńes ótkizdi

ASTANA. QazAqparat - Búgin QR Premer-Mınıstriniń orynbasary Berdibek Saparbaev qazaqstandyq telearnalarda zańnamadaǵy tildik talaptardyń saqtalýy máselelerine arnalǵan keńes ótkizdi.

Keńeske ortalyq jáne jergilikti atqarýshy organdardyń basshylary, buqaralyq aqparat quraldarynyń jetekshileri qatysty.

Onda otandyq telearnalardyń efırindegi qazaq tildi habarlardyń úlesin arttyrý boıynsha is-sharalar, sondaı-aq, tildik tepe-teńdiktiń saqtalýyna baqylaýdy kúsheıtý máseleleri qaraldy.

Keńes qorytyndysy boıynsha B.Saparbaev memlekettik organdarǵa tilder týraly zańnamanyń saqtalmaýyna qatysty jaýapkershilikke tartý bóligi boıynsha QR ákimshilik quqyq buzýshylyq kodeksiniń normalaryn jetildirý úshin usynystar engizý týraly birqatar tıisti tapsyrmalar berdi. Bul týraly QR Premer-Mınıstriniń baspasóz qyzmetinen habarlady.