B. Saǵyntaevtyń basshylyǵymen áleýmettik áriptestik, áleýmettik jáne eńbek qatynastaryn retteý jónindegi úshjaqty komıssııa otyrysy ótti
áleýmettik jáne eńbek qatynastaryn retteý jónindegi respýblıkalyq úshjaqty komıssııa otyrysy ótti.
Óńirlik damý mınıstrligi baspasóz qyzmetiniń habarlaýynsha, komıssııa jumysyna QR Eńbek jáne áleýmettik qorǵaý mınıstri Tamara Dúısenova, QR Kásipodaqtary federatsııasynyń basshylary, Ulttyq kásipkerler palatasynyń, Respýblıkalyq taý-ken óndirýshi jáne taý-ken metallýrgııa kásiporyndary qaýymdastyǵynyń ókilderi qatysty.
Talqylaý barysynda «Kásiptik odaqtar týraly» QR Zańynyń jobasy, jumys berýshilerdiń erikti deklaratsııalaý tájirıbesine engizilýde olardyń qyzmetteriniń eńbek zańnamasynyń talaptaryna sáıkes kelýi boıynsha usynystar, sonymen qatar Bas kelisimge Qazaqstan Respýblıkasy Úkimeti, 2012-2014 jyldarǵa arnalǵan respýblıkalyq jumyskerler jáne jumys berýshiler birlestikteri arasyndaǵy tolyqtyrýlar qarastyryldy.
Baqytjan Saǵyntaev Memleket basshysynyń tapsyrmasymen ázirlengen «Kásiptik odaqtar týraly» zań jobasy Qazaqstandaǵy kásipodaqtardyń qyzmetterin jaqsartýǵa baǵyttalǵanyn atap kórsetti.
«Kásipodaq týraly jańa zań kásipodaq qozǵalysynyń tik modelin qurý úshin quqyqtyq negiz qurady jáne kásipodaq músheliginiń áleýmettik áriptestiktiń barlyq deńgeıdegi yntalandyrýdy kúsheıtedi dep sanaımyz», -dedi birinshi vıtse-premer.
Komıssııa jumys berýshilerdiń qyzmetin erikti deklaratsııalaýǵa QR eńbek zańnamasynyń talaptaryna sáıkes senim sertıfıkaty negizinde engizýdi qoldaıdy. QR Eńbek jáne áleýmettik qorǵaý mınıstri Tamara Dúısenovanyń aıtýynsha, bul tekserýlerdiń sanyn azaıtýǵa, sonymen qatar, erikti jumys berýshilerdiń ımıdjin kóterýge múmkindik beredi.
Otyrystyń qorytyndysy boıynsha QR Úkimeti, respýblıkalyq jumyskerler jáne jumys berýshiler birlestikteri arasynda Bas kelisimge ózgertýler engizildi. Atap aıtqanda, salalyq jáne óńirlik kelisimder men ujymdyq kelisimsharttarda jumysqa ornalastyrý, jumys oryndaryn saqtap qalý, 50 jastan asqan adamdarǵa laıyqty eńbek jaǵdaılaryn jasaý jáne olardyń biliktiligin jáne utqyrlyǵyn arttyrý jóninde baǵdarlamalardy qabyldaý boıynsha erejelerdi bekitýge baǵyttalǵan sharalar týraly aıtylyp otyr.
