B.Saǵyntaev: Jobalyq kompanııalar memlekettik nysan qurylysy úshin jaýapty
ASTANA. QazAqparat - Jeke jobalyq kompanııalar bıýdjet qarjysyna salynatyn nysandardyń qurylysy barysyn tolyǵymen qadaǵalaıtyn bolady. Bul týraly búgin KTK telearnasynyń «Halyq qyzmetshisi» baǵdarlamasyna suhbat bergen QR Premer-Mınıstriniń birinshi orynbasary Baqytjan Saǵyntaev aıtty.
Onyń sózine qaraǵanda, dál osyndaı norma «Memlekettik satyp alýlar týraly» jańa zań jobasynda naqty jazylǵan. Birinshi vıtse-premerdiń paıymynsha, quramynda 30-40 adam bar qabyldap alý komıssııasy óz jumystaryn tolyq kólemde atqara almaıdy.
«Qurylystyń júzege asyrylý barysyn basqaratyn joba-menedjment kompanııalary bar. Eger, bıýdjet aqshasyna mektep, balabaqsha ne bolmasa turǵyn úı salynatyn bolsa, onda biz basynan bastap sońyna deıin, jobanyń qymbattaýyna deıin qadaǵalaıtyn jobalyq kompanııalardy jaldaı alamyz. Olar qurylystyń merziminde júrgizilýin jáne qurylys sapasyn qadalaǵaýǵa tıisti. Olardyń basym bóligi jeke kompanııalar bolady», - dedi B.Saǵyntaev.
