B.Saǵyntaev: Reseı men Qazaqstan Baıqońyr nysandaryn jalǵa berýge daıyn
ASTANA. QazAqparat - QR Premer-Mınıstriniń birinshi orynbasary Baqytjan Saǵyntaev Qazaqstan men Reseı birlesip, Baıqońyr ǵarysh aılaǵynyń nysandaryn ózge memleketterge jalǵa berýge daıyn ekenin málimdedi, dep habarlady RIA Novostı.
«Biz Reseı tarapymen birlese otyryp, qur qol qarap otyrǵymyz kelmeıdi. Nysandary paıdalanýǵa berip, tabys tapqymyz keledi», - dedi ol jýrnalısterge Baıqońyr ǵarysh aılaǵy boıynsha Reseı-Qazaqstan komıssııaaralyq otyrysynan keıin.
Onyń aıtýynsha, ǵaryshtyq ıgerýdi maqsat tutqan jáne ǵarysh aılaǵyn salýǵa qarajat jumsaǵysy kelmeıtin memleketterdi Baıqońyrǵa tartý kerek.
«Bizge prezıdentter jańa tujyrymdama jasaýdy tapsyrdy. Ondaǵy bir pýnkt - ǵaryshty ıgergisi keletin memleketterdi Baıqońyrǵa tartý qajet», - dep atap ótti B. Saǵyntaev.
