B. Saǵyntaev memorgandar men áýejaı basshylaryna avıaqaýipsizdik máselelerine basa nazar aýdarýdy tapsyrdy
ASTANA. QazAqparat - Búgin Úkimet úıinde QR Premer-Mınıstriniń Birinshi orynbasary Baqytjan Saǵyntaev otandyq áýejaılardy damytý máseleleri jóninde keńes ótkizdi. Bul týraly primeminister.kz habarlady.
Qazirgi tańda respýblıkada 20 áýejaı jumys jasaıdy. Olardyń 12-si memlekettik áýejaılar (8-i «Airport Management Group» JShS senimdi basqarýynda), 6-ýy - jeke menshikte, kontsessııada - 2.
2015 jyly áýejaılar shamamen 12 mln jolaýshyǵa qyzmet kórsetti. Qazaqstannan 87 baǵyt boıynsha halyqaralyq tasymaldar oryndalady. Olardy 2 qazaqstandyq («Eır Astana» men «SKAT») jáne shetel áýe tasymaldaýshylary júzege asyrady. Іshki áýe reısterin 42 baǵyt boıynsha 6 qazaqstandyq áýe kompanııasy oryndaıdy.
Respýblıkalyq bıýdjet qarajaty esebinen Qazaqstannyń 13 áýejaıynda jalpy 97 mlrd teńge somaǵa qaıta jóndeý júrgizildi. Budan ózge, 2015 jyldyń qańtarynda «Nurly jol» memlekettik baǵdarlamasy aıasynda Astana qalasyndaǵy áýejaıdyń jolaýshylar termınalynyń qurylysy bastaldy. Jobada qazirgi termınaldy keńeıtý jáne ótkizý qabiletin jylyna 7 mln jolaýshyǵa jetkizý qarastyrylǵan.
Keńes qorytyndysy boıynsha Baqytjan Saǵyntaev jaýapty memlekettik organdarǵa jáne áýejaı basshylaryna avıatsııalyq qaýipsizdik máselelerine basa nazar aýdarýdy, atap aıtqanda, jolaýshylar termınaldarynda zamanaýı teksermeleý jabdyqtaryn ornatýdy tapsyrdy. Arnaıy tehnıkamen (órtke qarsy mashınalar, qar kúreıtin jáne muzdanýǵa qarsy tehnıka, basqyshtar) jabdyqtaýǵa da aıryqsha kóńil bólinýi kerek.
Budan ózge, áýejaılar qyzmetiniń ekonomıkalyq tıimdiligin arttyrý, menedjment deńgeıin arttyrý, damytýǵa qarajat tartýdyń jańa kózderin izdeý boıynsha sharalar qabyldaý tapsyryldy.
