B.Saǵyntaev: Qazaqstandyq eksport ónimine Qytaı tarapynan suranystyń tómendeýi byltyr el ekonomıkasyna áser etti
ASTANA. QazAqparat - Qytaıdyń qazaqstandyq eksport ónimine suranysynyń tómendeýi ótken jyl boıy el ekonomıkasynyń damýyna qysym jasady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Premer-Mınıstriniń birinshi orynbasary Baqytjan Saǵyntaev málim etti.
«Ótken jyl ońaı jyl bolǵan joq. Álemdik ekonomıkany shaıqaltqan qolaısyz oqıǵalarǵa barshamyz kýá boldyq. Qazaqstannyń negizgi saýda seriktesteri Reseı men Qytaıdaǵy kúrdeli ekonomıkalyq ahýal jahandyq ekonomıkalyq ósimge áserin tıgizdi. Búginde Qytaı eksport pen ınvestıtsııalardan ishki tutynýdy yntalandyrý men qyzmetter kórsetý salasyn damytýdyń kóshpeli kezeńin ótýde», - dedi ol.
Birinshi vıtse premerdiń atap ótýinshe, ekonomısterdiń boljamyna sáıkes, orta merzimdi bolashaqta qytaı ekonomıkasynyń ósý qarqynyń baıaýlaýyna ákep soǵady. Reseı ekonomıkasy ótken jyldan bastap retsessııa jaǵdaıynda tur. Sarapshylardyń baǵalaýy boıynsha 2016 jyly munaıdyń tómen baǵasy men Batys tarapynan sanktsııalar jalpy ishki ónimdi odan ary tómendetip, ekonomıkdaǵy daǵdarys protsesterin kúsheıtedi.
«Sonymen qatar, álemniń kóptegen elderinde ulttyq valıýtanyń qunsyzdanýy oryn aldy. Munaıdyń álemdik baǵalarynyń qarqyndy tómendeýiniń kýási boldyq. Álemdik ekonomıkanyń álsiz ósimi men shıkizat qorynyń kóp bolýy munyń negizgi sebepteri boldy. Dollardyń nyǵaıýy da mańyzdy ról atqardy. Bul balama ınvestıtsııa retinde munaıdyń tartymdylyǵyna zııanyn keltirdi. Barlyq osy jaǵymsyz faktorlar, sondaı aq negizgi saýda seriktesterimizdiń, birinshi kezekte Qytaıdyń otandyq eksport ónimine suranysynyń tómendeýi ótken jyl boıy el ekonomıkasynyń damýyna qysym jasady», - dedi B.Saǵyntaev.
