B. Saǵyntaev: Qashaǵanda munaı óndirý 2016 jyldyń aıaǵyna qaraı jandanady
«Qashaǵan jobasy boıynsha tıisti qalpyna keltirý jumystary júrgizilip jatyr. Soltústik Kaspıı jobasynyń operatorymen jáne merdiger kompanııalarmen barlyq daýly máseleler sheshildi. Munaıdy kommertsııalyq óndirýdi 2016 jyldyń aıaǵyna qaraı jandandyrý josparlanyp otyr»,-dedi B. Saǵyntaev.
Óz kezeginde QR Energetıka mınıstri Vladımır Shkolnık Qashaǵanda jóndeý jumystary júrip jatqandyǵyn, eń aldymen sapasyz bolyp shyqqan qubyrlar almastyrý sharalary júrgizilip otyrǵandyǵyn jetkizdi.
Jobany qazirgi ýaqytta «QazMunaıGaz», Royal Dutch Shell, ExxonMobil, Eni, Total, Inpex jáne CNPC júzege asyrýda. Qashaǵan munaı kenishinde shamamen 5 mlrd. tonnaǵa jýyq munaı qory jatyr dep boljanýda jáne ol sońǵy jyldary teńiz tabanynan tabylǵan eń iri munaı oryndarynyń biri bolýy yqtımal.
