B.Saǵyntaev ıspandyq kásipkerlerdi Qazaqstan naryǵyn belsendi ıgerýge shaqyrdy
ASTANA. QazAqparat - Búgin Úkimet úıinde QR Premer-Mınıstriniń birinshi orynbasary Baqytjan Saǵyntaev ıspandyq bıznes-delegatsııamen kezdesý ótkizdi. Bul týraly saıty primeminister.kz habarlady.
Kezdesý barysynda óndiristik, saýda-ekonomıkalyq jáne ınvestıtsııalyq salalardaǵy eki jaqty qazaqstandyq-ıspandyq qatynastardy odan ári nyǵaıtý máseleleri boıynsha pikir almasyldy.
Baqytjan Saǵyntaev Ispanııa Qazaqstan úshin Eýropadaǵy mańyzdy saıası jáne ekonomıkalyq áriptes ekenin basa aıtyp, ıspandyq kásipkerlerdi qazaqstandyq naryqty belsendi ıgerýge shaqyrdy. Premer-Mınıstrdiń Birinshi orynbasary Qazaqstandaǵy ortaq jobalardy iske asyrýǵa, onyń ishinde memlekettik-jeke menshik áriptestik tetigin qoldana otyryp júzege asyrýǵa qyzyǵýshylyq bildirdi.
Taraptar eki jaqty yntymaqtastyqtyń joǵary deńgeıin jáne eki el arasyndaǵy ózara is-qımyldy keńeıtýge zor áleýetti atap ótti.
Kezdesýge Talgo, Airbus Defense & Space, Eptisa, Ineco, Eurofinsa jáne basqa da kompanııalardyń ókilderi qatysty.
