B.Saǵyntaev: Eńbek daýyn arandatýdyń quqyqtyq jaýapkershiliginiń tómendigi saqtalyp otyr
ASTANA. QazAqparat - Búgin Úkimet úıinde QR Premer-Mınıstriniń birinshi orynbasary Baqytjan Saǵyntaevtyń tóraǵalyǵymen áleýmettik áriptestik pen áleýmettik jáne eńbek qatynastary boıynsha respýblıkalyq úsh jaqty komıssııanyń kezekti otyrysy ótti, dep habarlady primeminister.kz.
«Memleket basshysy taıaýda ótken Úkimettiń keńeıtilgen otyrysynda álemdik ekonomıkaǵa qaraı baǵyt alý aǵymyn jáne ishki jaǵdaılardy esepke alyp, elimizde makroekonomıkalyq jáne áleýmettik turaqtylyqty saqtaý boıynsha saqtandyrý sharalaryn júzege asyrý mindetin qoıdy», - dedi B.Saǵyntaev keńesti asha otyryp. Ol óz kezeginde, bıýdjetten tólenetin áleýmettik járdemaqylar men tólemderdiń ósirilýi ǵana emes, kvazımemlekettik jáne jekemenshik sektorlar jumyskerleriniń eńbek aqylarynyń arttyrylýy da qarastyrylatynyn atap ótti.
«Prezıdent iri taý-ken jáne metallýrgııalyq kásiporyndar, munaı-gaz jáne ulttyq kompanııalar basshylaryna óndirispen aınalysatyn jumyskerlerdiń jalaqysyn 10 paıyzǵa kóterý jónindegi bastamalyq sózin arnady. Biz úsh jaqty komıssııa retinde Memleket basshysynyń bul bastamasyn júzege asyrýǵa óz úlesimizdi qosýymyz kerek», - dedi ol.
QR Eńbek jáne halyqty áleýmettik qorǵaý mınıstri Tamara Dúısenovanyń aıtýynsha, búgingi kúnge elimizde eńbekaqy boıynsha qaryz ótken jylǵy sáıkes merzimmen salystyrǵanda 27 paıyzǵa kemip, óndiriste jazataıym jaǵdaıǵa ushyraý sany azaıǵan.
Osy oraıda, Úkimet basshysynyń birinshi orynbasary B.Saǵyntaev ótken jyldyń basynan beri oryn alǵan eńbek daýynyń jartysyna jýyǵy jalaqyny ýaqytynda tólemeý sebebinen bolǵanyn atap kórsetti.
«Búgingi kúni eńbek daýlarynyń aldyn alý men odan saqtandyrý tetikteriniń oıdaǵydaı jetilmeýi, áleýmettik-eńbek kıkiljińderin arandatýdyń quqyqtyq jaýapkershiliginiń tómendigi problemalary áli de qalyp otyr» ,- dep atap ótti B.Saǵyntaev.
