B.Saǵyntaev aýyl sharýashylyǵy ónimderin óńdeý salasyndaǵy basymdyqty jobalardyń kartasyn jasaýdy tapsyrdy

ASTANA. QazAqparat - Búgin Úkimet úıinde QR Premer-Mınıstriniń birinshi orynbasary Baqytjan Saǵyntaev keńes ótkizdi. Onda 2014-2015 jyldarǵa arnalǵan aýyl sharýashylyǵy ónimderin óńdeý jáne azyq-túlik ónerkásibin damytý boıynsha keshendi jospardy Elbasy tapsyrmalaryn esepke ala otyryp júzege asyrý máseleleri talqylandy.

Bul týraly QR Premer-Mınıstriniń baspasóz qyzmetinen habarlandy.

Keńeske ortalyq memlekettik organdardyń, «Atameken» Ulttyq kásipkerler palatasynyń, «QazAgro» UBH, «Damý» qorynyń, «QDB» AQ basshylary qatysty.

Talqylaý qortyndysymen Baqytjan Saǵyntaev aýyl sharýashylyǵy men ınvestıtsııa jáne damý mınıstrlikterine «Atameken» UKP-men birlesip, aýyl sharýashylyǵy ónimderin óńdeý salasyndaǵy basymdyqty jobalardyń kartasyn pysyqtap, qalyptastyrýdy tapsyrdy.

Eske sala keteıik, aǵymdaǵy jyly 11 aqpanda ótken Úkimettiń keńeıtilgen otyrysynda Elbasy N.Á.Nazarbaev álemdik ekonomıkadaǵy qazirgi naqty jaǵdaıdy esepke ala otyryp, basty baǵyt aýyl sharýashylyǵy ónimderin óńdeý jáne azyq-túlik ónerkásibin damytý ekenin atap ótti. Osy oraıda Úkimetke 2013-2014 jyldarda bastalǵan AÓK sýbektilerin qarjylyq saýyqtyrý jumystaryn jalǵastyrý tapsyryldy.