B.Saǵyntaev AEF qatysýshylarymen birqatar kezdesýler ótkizdi
Kolýmbııa ýnıversıteti Jer ınstıtýtynyń dırektory Djeffrı Saks pen Baqytjan Saǵyntaev kezdesý barysynda Qazaqstandaǵy ekonomıkany, qurylymdyq reformalardy ártaraptandyrý máselelerin talqylady.
SPRING Damytý jónindegi agenttiktiń (Sıngapýr) tóraǵasy Fıllıp Ieo men Premer-Mınıstrdiń Birinshi orynbasary sıngapýrlyq damytý ınstıtýtynyń Qazaqstanmen yntymaqtastyǵyndaǵy múmkin salalardy belgiledi.
Kolýmbııa ýnıversıtetiniń ekonomıka professory, Dúnıejúzilik ekonomıkalyq forýmnyń Jahandyq básekege qabilettilik ındeksiniń (JBI) avtory Ksaver Sala-ı-Martınmen kezdesý barysynda Baqytjan Saǵyntaev Qazaqstanda 2018 jylǵa deıin JBI kórsetkishterin jaqsartý boıynsha sharalar josparyn júzege asyrý týraly aıtty. Ksaver Sala-ı-Martın Qazaqstannyń básekege qabilettiligin arttyrý jáne bizdiń eldiń orta jáne uzaq merzimdi perspektıvada turaqty ekonomıkalyq ósimge qol jetkizýi boıynsha óziniń saraptyq pikirin bildirdi.
Monopolııaǵa qarsy retteý arqyly ekonomıkany retteýden básekelestikti qorǵaýǵa kóshý máseleleri Ekonomıkalyq yntymaqtastyq jáne damytý uıymynyń Básekelestik komıtetiniń tóraǵasy Frederık Jennımen kezdesýde talqylandy.
Jańartý jónindegi komıtettiń atqarýshy dırektory Bretton-Výdsa Mark Ýzan qazirgi qarjy qurylymyn reformalaýdyń jahandyq úderisi týraly málimdedi.
Premer-Mınıstrdiń birinshi orynbasary sondaı-aq Nobel syılyǵynyń laýreaty Krıstofer Pıssarıdespen, ekonomıst Artýr Laffermen, professor doktor Klaýs Mangoldpen kelissózder júrgizdi.
