B. Palymbetov turǵyn úıdi arzandatýǵa múmkindik týǵyzatyn tetikterdi atady

ASTANA. QazAqparat - Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «Samuryq-Qazyna» Jyljymaıtyn múlik qory» AQ Basqarma Tóraǵasy Bolat Palymbetov turǵyn úıdi arzandatýǵa múmkindik týǵyzatyn tetikterdi atap ótti.

«Qoljetimdi baspanalar máselesine kelsek, bul problemany tek Úkimettiń baǵdarlamasy aıasynda sheshemiz deýge de kelmeıdi. Jeke qurylystyń sektoryn damytý kerek, barlyǵy osyǵan jumylýy kerek. Úkimetke senip, arzan úı alamyz deý orynsyz, ol durys emes. Arzan ıpoteka bolýy múmkin, arzan jalǵa beriletin turǵyn úı bolýy múmkin, alaıda arzan úı degen bolmaıdy. Sol arzannyń ishinde árqaısysynyń óz tetigi bolýy tıis», - dedi Bolat Palymbetov.

Bul rette Basqarma tóraǵasy turǵyn úıdiń baǵasyna áser etetin elementterdi de atady. «Baspananyń baǵasyna ne kiredi? Oǵan eń birinshi salyq kiredi - ol da tómen emes. Ekinshiden qurylys materıaldarynyń baǵasy, bul da qymbat. Úshinshi - jumys kúshi. Baspana baǵasyn tómendetý úshin osy úsheýiniń bireýin qatty tómendetý kerek? Al qaısysyn? Úsheýin de qysqartý múmkin emes. Sondyqtan da, bunyń tıimdi joly ıpotekany tómendetý, soǵan qoljetimdi etý. Úıdi jalǵa berý júıesi osyǵan áser etedi dep oılaımyz, osy jaqsy bolsa, ıpotekany bank ózi de túsiretin shyǵar dep otyrmyz», - dedi B. Palymbetov.