B.Ótemuratov Qazaqstan Tennıs federatsııasynyń prezıdenti qyzmetine qaıta saılandy

Al, jýrnalısterge suhbat bergen QR Tennıs federatsııasynyń atqarýshy dırektory Dıas Dosqaraev federatsııasynyń atqarǵan jumysy men keler jylǵa arnalǵan josparlary týraly oı bólisti.

«Jyldy qorytyndylaıtyn bolsam, Qazaqstannyń barlyq oblys ortalyqtarynda derlik álemdik standarttarǵa saı tennıs ortalyqtary salyndy. Búgingi tańda tennıs ortalyǵy joq bir qala - SQO ortalyǵy - Petropavl qalasy. Biz sondaı-aq, qalalarda ekinshi tennıs ortalyqtaryn ashýdy kózdep otyrmyz. Sebebi, qazirdiń ózinde, iri qalalarda tennıs ortalyqtarynyń jattyqtyrýshylary tapshy»,-deıdi D.Dosqaraev.

Onyń aıtýynsha, federatsııa daǵdarys jaǵdaıyna qaramastan, bıýdjetin qysqartpaıdy. «Federatsııanyń bıýdjeti tolyqtaı demeýshilerdiń qarjysynan quralǵan. Federatsııa bıýdjetin qysqartpaıdy, kerisinshe, tolyqtyrýy múmkin. Jalpy, federatsııa sertıfıkaty bar kásibı jattyqtyrýshylar sanyn 87 adamnan 200 jattyqtyrýshyǵa deıin arttyrdy»,-dep habarlady D.Dosqaraev.

Sóz sońynda, ol federatsııa balalar tennısin damytýǵa zor kóńil bóletinin habarlady.