B.Obamany ýlamaq bolǵan kúdiktige qatysty tergeý isi jalǵasýda
ASTANA. 28 sáýir. QazAqparat - Jaqynda AQSh Prezıdenti Barak Obamany rıtsınmen ýlalamaq bolǵan kúdiktige qatysty tergeý jalǵasyp jatyr, dep habarlaıdy 24.kz
Mıssısıpılik sport jattyqtyrýshysyna resmı túrde aıyp taǵylǵandyǵyn AQSh Barlaý qyzmeti men Ádilet mınıstrligine silteme jasaı otyryp «Reıters» agenttigi habarlady. 41 jastaǵy Everett Datchke rıtsındi saqtap, ony bıologııalyq qarý retinde paıdalanǵan degen aıyp taǵyldy. Eger kinási dáleldense, onda ol ómir boıy bas bostandyǵynan aıyrylyp, 250 myń AQSh dollary mólsherinde aıyppul tóleıtin bolady. Іs boıynsha sot otyrysy 29 sáýirge belgilendi. Esterińizge sala keteıik, Aq úıdiń qaýipsizdik qyzmeti kúdikti aq untaq salynǵan birneshe hatty tapqan bolatyn. Hattar Prezıdent Barak Obama men senator Rodjer Ýıkerdiń atyna kelgen.
