B.Obama top-menedjerlerdiń jalaqysyn baqylaýǵa ýáde berdi
ASTANA. Sáýirdiń 23-i. QazAqparat - Ýoll-strıtte júrgiziletin reforma aktsıonerlerge qarjy júıesinde kóbirek bılikke ıe bolýǵa múmkindik beredi. Bul týraly AQSh prezıdenti Barak Obama bankırlerdiń aldynda sóılegen sózinde málim etti.
Ol, AQSh-tyń qundy qaǵazdar men bırjalar jónindegi komıssııasy, aktsııa ustaýshylar kompanııalardyń top-menedjerleriniń bonýstary men jalaqylaryna áser ete alýlary úshin, olardyń quqyqtaryn keńeıtý máselesin qadaǵalaıtynyn atap kórsetti.
Aq úı basshysy sonymen birge, bul sheshimniń adamdarǵa olardyń aqsha qarajattaryn saqtaýmen aınalysatyn kompanııalardy basqaratyndardy tańdaý múmkindigin berý qajettiliginen týyndap otyrǵandyǵyn jetkizdi.
B.Obama bankırlerdi qarjy uıymdarynyń jumysyn baqylaýdy qataıtý týraly óziniń usynysyn qoldaýǵa shaqyrdy. Qarjy daǵdarysyna ákelgen burynǵy qatelikterdi qaıtalamaý úshin, osyndaı reformalar qajet, dep atap kórsetti B.Obama óz sózinde.
