B.Obama soǵysqa Kongresten taǵy 33 mıllıard dollar suraıdy
ASTANA. Qańtardyń 13-i. QazAqparat - AQSh Prezıdenti Barak Obamanyń ákimshiligi Kongresten 2011 jyly Aýǵanstan men Irakta áskerı operatsııalar júrgizýge qosymsha 33 mıllıard dollar bólýdi suramaq nıette,
dep habarlaıdy RBK agenttigi.
Aq úıdiń áskerı muqtajdyqtaryna barlyǵy 708 mıllıard dollar bólý qajet dep josparlanýda, AQSh bıýdjetiniń jobasy boıynsha másele aqpannyń 1-inen bastap talqylanady dep kútilýde.
Budan buryn AQSh basshylyǵynyń 2010 jylǵy qyrkúıekte Aýǵanstanǵa 3 myń 100 jaýynger jóneltý týraly buıryq bergeni málim boldy. Kabýlǵa jóneltiletin bul jaýyngerlerdiń 2 600-i - jaýyngerlik jasaqtar, al 500 adam qosalqy bólimderde qyzmet etedi.
B. Obamanyń josparyna sáıkes, Aýǵanstandaǵy NATO kontıngentin kúsheıtý úshin ol elge 30 myń amerıkan jaýyngerin jóneltý josparlanyp otyr. 2011 jyldyń shilde aıynda AQSh armııasy Aýǵanstannan óz áskerin ákete bastaıdy dep kútilýde.
