B.Obama shaǵyn bıznes úshin Kongresten 30 mıllıard dollar surap otyr
ASTANA. Aqpannyń 8-i. QazAqparat - AQSh Prezıdenti Barak Obama shaǵyn bızneske 30 mıllıard dollar bólý jónindegi jaqynda málim etken josparyn qoldaý týraly ótinishpen Kongreske shyqty,
dep habarlaıdy RBK agenttigi.
«Men eki partııany jaqsy ıdeıalarǵa kedergi bolmaýǵa shaqyramyn», deıdi amerıkan basshysy demokrattar men respýblıkashyldarǵa arnalǵan úndeýinde.
«Men jasap otyrǵan usynystyń lıberaldyq ta, konservatıvtik te boıaýy joq, ol elimizdiń álsiregen ekonomıkasyn nyǵaıtýǵa baǵyttalyp otyr» dep málim etedi Obama.
Esterińizge sala keteıik, shaǵyn bıznes sektoryna úkimettik kómek bólý týraly bastamany B.Obama qańtardyń 28-inde Kongreske jáne amerıkan halqyna jasaǵan alǵashqy Joldaýynda kótergen edi. Osynaý sektordy qarjylandyrý baǵdarlamasynyń esebinen AQSh úkimeti ekonomıkany aıaǵynan turǵyzýdy jedeldete túspek. Bul josparǵa sáıkes, jeńildikti maqsatty nesıeler shaǵyn kásiporyndarǵa, ásirese, jańa jumys oryndaryn qurýmen belsendi aınalysyp otyrǵan kásiporyndarǵa beriletin bolady.
