B. Obama OAR-ǵa Nelson Mandelanyń janazasyna barady
ASTANA. 8 jeltoqsan. QazAqparat - Aldaǵy aptada AQSh Prezıdenti Barak Obama men onyń zaıyby Mıshel Ońtústik Afrıka Respýblıkasyna baryp, Nelson Mandelanyń qaıtys bolýyna baılanysty qazaly sharaǵa qatysady.
Sheteldik BAQ-tyń jazýynsha, sonymen qatar janazaǵa Djordj Býsh-kishi, Bıll Klınton jáne Djımmı Karter sekildi AQSh-tyń burynǵy úsh prezıdentteri barady dep kútilýde.
Seısenbide Iohannesbýrg mańyndaǵy 95 myń oryndyq olımpıadalyq stadıonda jappaı qazaly rásim ótedi.
N. Mandelany memlekettik jerleý onyń týǵan jeri Kýna eldi mekeninde 15 jeltoqsanda ótedi. Aıta keteıik, Ońtústik Afrıka Respýblıkasynyń burynǵy basshysy 95 jasynda ótken beısenbiden jumaǵan qaraǵan túni ómirden ozdy.
