B.Obama Kýveıtke AQSh áskerlerin jibermek
TANA. 9 qyrkúıek. QazAqparat - Amerıkandyq áskerler jiberiletin kezekti musylman eli Kýveıt bolmaq. Sheshim túpkilikti qabyldanǵan joq, degenmen Barak Obamanyń ákimshiligi osy nusqaǵa bel sheship otyr, dep habarlady RBK Associated Press-ke silteme jasap.
Vashıngtonda amerıkan áskerleri ıraktan shyǵarylǵannan keıin osy elde jaǵdaı eleýli shıelenisýi múmkin degen qorytyndyǵa keldi. Sondyqtan da Baǵdadtaǵy úkimetti qoldaý úshin kórshiles Kýveıtke shekteýli kontıngent ornalastyrylmaq.
Bes myń adam áli de Irakta qalady dep kútilýde. Olar osy eldiń armııasyn jattyqtyrýdy, daıarlyq sapasyn jaqsartýdy jalǵastyra beredi. Vashıngtonnan berilgen habarlarǵa qaraǵanda, ıraktyqtar tankini basqara almaıtyn kórinedi.
Kýveıt budan buryn da AQSh-tyń aımaqtaǵy mańyzdy odaqtasy bolyp kelgen. 1991 jyly Saddam Huseın áskerleri eldi jaýlap alǵanda, amerıkandyqtar ırak áskerin talqandap, Kýveıtti bosatqan. 12 jyldan keıin naq osy Kýveıt aýmaǵynan Saddam Huseın armııasyna shabýyl bastalǵan bolatyn.
